俗語
人情留一線，日後好相看。
⋯⋯ 人情世事陪甲夠，無鼎佮無灶。
入門看人意，出門看山勢。
人濟話著濟，三色人講五色話。
三人仝一心，烏土變成金。
千算萬算，毋值天一向(劃)。
丈姆看囝婿，愈看愈意愛。
大人煩惱無錢，囡仔歡喜過年。
歹囝也著惜，孝男無地借。
不孝媳婦三頓燒，有孝查囝過路搖。
未食硞硞綴，食了嫌漚貨。
天飼人肥肭肭，人飼人伸一支骨。
正月正，媒人無出廳。
仙人拍鼓有時錯，跤步踏差啥人無？
犯官欺，毋通犯眾議。
未食五月節粽，破裘毋甘放。
瓜仔園揀瓜，愈揀愈花。
甘願擔領一石米，毋願擔領一個囡仔疕。
交友著交心，挖花著挖根。
甘願擔蔥賣菜，毋願佮人公家翁婿。
好田地，不如好子弟。
在生一粒豆，較贏死了拜豬頭。
早頓食飽，下晝頓食巧。
好歹在心內，喙唇皮仔相款待。
有山便有水，有神便有鬼。
好歹粿都會甜，好歹查某都會生。
有姑是姑丈，無姑野和尚。
好歹菜一步燒，歹歹查某一步笑。
有得，便有失。
好話毋出門，歹話弄破腹肚腸。
江湖一點訣，妻女不可說。
有一好著無二好，有媳婦著無牛母。
老的老步定，少年較膽嚇。
有毛食到鬃簑，無毛食到秤錘。
行路行壁邊，做事較大天。
有志氣著有機會，散赤人出好子弟。
別人妻，睏袂過五更。
有食有行氣，有燒香有保庇。
忍氣求財，激氣相刣。
有錢烏龜坐大廳，無錢秀才人也驚。
來無通知，去無相辭。
和尚食菜無食臊，專食狗肉燖(朕)米糕。
受人酒禮，予人刮(稽)洗。
官府定罪三五冬，人嘴定罪一世人。
花無錯開，緣無錯對。
花食露水，魚食流水，人食喙水。
砌無三門墓，就想要做土公。
初三四，月眉意。十五六，月當圓；二三四，月暗暝。
長工望落雨，乞食望普渡。
姻緣天註定，毋是媒人腳能行。
近廟欺神，路頭遠才有親。
洋裝獻領，厝內吊鼎，講話無影。
姻緣到，毋是媒人能。
紅柿若出頭，羅漢跤仔目屎流。
看人食肉，毋通看人剖柴。
食尾牙面憂憂，食頭牙撚喙鬚。
紅花袂芳，芳花袂紅。
食果子拜樹頭，食米飯敬田頭。
食人飯，犯人問。
食飯扶碗公，做工課閃西方。
食若牛，做若龜。
食飯配菜脯，儉錢飼(開)查某．
食神食佛，食了會孤崛。
食飯食俺爹，趁錢儉私奇。
食飯像武松扑虎，做工課那桃花過渡。更多
留言列表
{{ article.title }}
